Laten we eerlijk zijn: ere-leden worden niet geboren, ze ontstaan. Ze hebben de passie om meer te doen als het gewaardeerde doorsnee-lid. Ze steken met kop en schouders boven de vereniging uit. Dan komt er onvermijdelijk een moment om hen in het zonnetje te zetten. Dat overkwam ook ons trouwe lid Jac Rijks tijdens onze algemene ledenvergadering op 27 juni 2023.
Laes verderCategorie: Geen categorie
Mit De Naas omhoog…
Det woor ’t den: 20, 21 en 22 april sjpeelde Speelgroep Gelre ‘De Naas’, oftewaal Cyrano de Bergerac. Hae kint gaon ruste, óze Cyrano. En det geldt ouch veur óze hoofrolsjpeler Frank Vossen. Es geer zeent kómme kieke of ’t sjtuk kènt, den wit geer det hae ein gigantisch compliment verdeent. Gelökkig kreeg hae det ouch elke aovendj weer in de vorm van ein sjtaonde ovatie. Det deej euverigens de ganse cast good, mer woor zeker ouch bedoeldj veur de onmisbare luuj veur en achter de sjerme en natuurlik ós regisseuse Geerte Schmitz. Veer kieke greuts truuk op dit sjtuk det veer – mit enige vertraging – sjpeelde ter ere van ós 75-jaorig bestaon in (coronajaor) 2020. Veer bedanke ós sjponsore den ouch hertelik! Ed Latiers maakte de volgende prachtige foto’s:
Kiek hie de foto’s
In memoriam: Paul Schlicher
Mit väöl pien in ós hert höbbe veer vandaag aafsjied mótte nömme van oze zeer gewaardeerde penningmeister Paul Schlicher. Veer zólle Paul herinnere es ein biezunjer hertelike en werme miens mit ein groot hert veur de Remunjse cultuur en ós vereiniging. Veer winse Charlotte en (klein)kienjer heel väöl sjterkte toe in deze meujelike tied.
Continue reading “In memoriam: Paul Schlicher”
Gelre figureert in Wijkgeheimen & (R)Evolutie
Gelre verleent zowie geer al wit gaer häör medewirking aan projekte door gans Limburg. Zeker in deze tied is gein aafsjtandj te wiet. Zo wore veer maondig 3 mei van Noord toet Zuid in Limburg te vinje. Sanne Tonnaer figureerde ’s mörges biej Kasteel Holtmühle in opnames veur Wijkgeheimen (19 juni in Tegele). Ein blauwe kneen (alles veur de kuns) mer veural ein erg leuke en gezellige ervaring rieker! ’s Aoves troffe Sanne en Sef Thissen zich in Mesjtreech. In ‘t Kruisherenhotel vónje namelik ónger regie van Servé Hermans opnames veur (R)Evolutie plaats, ein filmkomedie van Toneelgroep Maastricht dae zich in ’t Limburg van 2040 aafsjpeelt . De film is in ’t naojaor te zeen. Sjoon om zoget in zo’n prachtige omgaeving es figurant mit te moge make!
Bekijk de foto’s en/of lees de Nederlandse vertaling
Gelre vertegenwoordigt in Muziektheater Cuypers
Waat ein sjiek nuuts: ós multi-talent Marie-Anne Breuer zal ein van de hoofrolle gaon sjpele in Muziektheater Cuypers! Ouch ós leje Ton Hensen en Sanne Tonnaer zulle in ’t ensemble hun opwachting make in Theaterhotel De Oranjerie in meert 2022. Kortom: Speelgroep Gelre is weer good vertaegeweurdigd in de Remunjse toneelgeledere. Veer winse cast & crew heel väöl rippetisieplezeer toe zodra ’t weer moog en kan!
Lees hier de nederlandse vertaling
Gelre in The Passion
Jaaaa, dao is d’r toch! Ein prominente plaats veur Ton Hensen van Gelre in The Passion vanaovend. Had geer ‘m herkind? Alle gekheid op ein sjtekske: ’t deej ós good om weer fantastisch toneelsjpel in ós prachtige sjtad te zeen. Den begint ’t toch waal weer te kriebele…
P.s. Laot ós de kómmende maondje de hashtag #ikbenervoorjou waormake door ós binnesjtad-óngernummers én de luuj die ’t om waat veur raeje den ouch neudig höbbe te blieve sjteune. Bön ein bietje leef veur elkaar!